भाई बहन का प्यार है राखी।
खुशियोँ का बहार है राखी।

हम सब के लिए,
प्यार भरा त्यौहार है राखी।

अटूट बंधन के धागों से,
बंधता ये संसार है राखी।

मोतियों को बुन रखा है,
भाइयो का इंतिजार है राखी।

एक धागे से प्यार पनपता,
ऐसा ये परिवार है राखी।।

युवराज वर्मा 'बरगड़िया"
साजा बेमेतरा
9131340315

याद करलव ओला,
जेन भुइँया बर कुर्बान होगे।
लपेट के तिरंगा बदन मा,
माटी बर बलिदान होगे।।
बीर सपूत सहासी जनमे,
मोर भारत के कोरा मा।
देस के रक्षा खातिर,
छोड़ दिस दाई कोरा ला।।
भारत माता के सहासी बेटा,
मयँ तोला प्रणाम करँव।
जय हिंद जय भारत,
तोला सलाम करँव।।
💐💐💐💐💐
युवराज वर्मा "बरगड़िया"
साजा बेमेतरा
१४/०८/२०१८

गरीब बर छिटका कुरिया नई हे,
अमीर बर महल अटारी।
इहि ल गरीबी कहिथे,
देखव जी संगवारी।
सरकार के विकाश ह ,
जाने कहा धस गे।
गरीब मनखे लाईका धरके,
पुलिया तरी बसगे,
सरकारी आवास ह कोठा बनगे,
गरीब के नइये चिन्हारी।
इहि ल गरीबी कहिथे,
देखव जी संगवारी।।          

युवराज वर्मा "
बरगड़िया " साजा बेमेतरा

तोर सुरता के डोरी मा,
अइसे बंधा गे हँव वो।
जइसे जेल मा कइदी,
होके धंधा गे हँव वो।।
अब नींद गवाँ गे,
सुन ले रे मोर मैना।
देखे बर तरसत हे,
ये दीवाना के दोनों नैना।
खटिया मा अल्थी कल्थी,
रात ला पहावत हँव।
कब अबे कइके जोड़ी,
सोर संदेस लमावत हँव

युवराज वर्मा "बरगड़िया"
साजा बेमेतरा

कोनो तो समझ ,
का चीज ये पानी ।
जिए के एक ठन चीज,
किथे ओला पानी।

गांव गली सड़क नाला,
झन बोहावव पानी ल।
जिए पिए के काम आहि,
ओ दीन मांगहू पानी ल।

पानी बिना हे बन ह सुन्ना,
चिरई चिरगुन उन्ना जी।
पानी बचाबोन नई बोहावन,
छोड़बो करनी जुन्ना जी।

एक दिन अईसे आही जी,
सबो परानी पछताबो ।
पानी बचबो पेड़ लगाबो,
तभे जिनगी ल पबो  जी।

युवराज वर्मा बरगड़ा(साजा)
9131340315

बरगड़िया आँव

मोर छत्तीसगढ़ के माटी,
जिहाँ के रहइया आँव।
बासी अउ चटनी खवइया,
निमगा छत्तीसगढ़िया ताँव।
युवराज वर्मा नाँव हे मोर,
बरगड़ा गाँव के आँव।
किसनहा के लईका मँय,
खेती किसानी कर थाँव।
खेत खार मोर करम धरम,
ये माटी के सेवा बजाँव।
छत्तीसगढ़ी बोली भाखा,
बोले बर तनिक नई लजाँव।
दाई ददा के सेवा करे बर,
पाछु कभू नइ जाँव।
गाँव हे मोर अब्बड़ सुग्घर,
तरिया नरवा अमरइया छाँव।
मोर गाँव के बोली भाखा,
आरुग छत्तीसगढ़ी ताय।
गाँव मा हे मोर सीतला दाई,
सुग्घर दया मया बरसाय।

युवराज वर्मा "बरगड़िया
 साजा बेमेतरा
4-5-2018